Famille de Cambourg

"Comparantz par devant monsieur le bailly de la court de Nevet nobles gentz maistre Hervé Billouart commis de monsieur le procureur fiscal de ladicte court et Christofle de Kerberiou curateur de dammoyselle Jullienne du Bois fille puisnée de nobles gentz Jehan du Bois et Margaritte de Treanna sa compaigne sieur et damme en leurs temps de Tresseol ont remonstré avoyr faict donner assignation a ce jour lieu et heure aux parans de ladicte dammoyselle pour donner leur conseill etadvis touchant le mariaige parlé d'entre ladicte Jullienne du Bois et noble Parceval de Kergariou sieur de Kerahel recquerant appel et ....... estre ..... desdictz parens, auquel appel sont comparans scavoir : Noble et puissant Renné de Nevet sieur dudict lieu parent au quart degré de l'estoc maternel de ladicte du Boys Nobles gentz Christofle Le Gallou sieur de Trevanes (?) parent au tiers degré Jehan de Kerengarz sieur dudict lieu parant au quart degré Maistre Allain Bonnezrat (?) sieur de Penguelene (?) aussi parant au quart degré de ladicte dammoyselle de costé de la mere presantz en personne et Nobles gentz Yves de Kerazret sieur de Plouider Jehan de la Bouexiere sieur de Kerouchant François du Bois sieur de Dourdu Tanguy Rannou sieur de Keribec Jehan de Keratz sieur du Plesseix Adrian Le Borgnne sieur de Lesquiffiou Claude Le Borgnne sieur de Kerfraval par maistre François Piart leur procureur a la fin cy apres specialement fondés ainsi qu'il a faict presantemment aparoir par trois actes de procure l'ugn dabté le vignt cincquiesme jour de decembre l'an mil cincq centz soixante quatre signé Jehan de la Boexiere, Yves de Kerazret y valloir Ph ..... l'aultre le dix huictiesmme jour de may dernier signé T Rannou, F du Bois, F de la Forest, l'aultre le dix neuffiesmme jour dudict mois de may dernier signé Adrian Le Borgne, J Kerlerach, J de Gozbriant, C Le Borgne, Ph Campion desquelles procure a esté coppie adjugée ausdicts commis et curateur de ce recquerantz avecq sufizant decret de foy lesdictz devant nommés parantz de ladicte du Bois chacun en tel degré et estoc qu'est porté par lesdictes procures. Lesquelz parentz et Piart esdicts noms jurés dire veritté interrogés ont dict que pour la congnoissance qu'ilz ont dudict de Kergariou et la bonne reputation qu'ilz luy ont ouy donner tant a raison de sa maison extraction et paranté que ses ...... scavuoyr honesteté et aultres bonnes parties qu'ilz cognoissent en luy, il leur semble que c'est le bien et advantaige de ladicte Jullienne du Bois leur parante d'estre conioincte en mariaige avecques luy et que leur conseill et advis c'est que icelluy mariaige soict faict et accomply sur quoy ouy ledict curateur quy a dict pareillement apres le serment de luy prins en tel cas recquis ledict mariaige estre convenable et a l'avantaige de ladicte mineure et y donner son consantemment et advis ouy aussi ledict comis dudict procureur de ladicte court de ce consantant et recquerant a estre par mondict sieur le bailly decretté etpromis ledict mariaige d'entre ledict de Kergariou et ladicte dammoyselle Jullienne du Bois estre faict et contracté faict ce second jour de juign l'an mil cincq centz soixante cincq en l'auditoire de la court du Pont lieu assigné pour assambler lesdictz parans a la fin cy dessus pour la comoditté d'iceulx parantz lesquelz ont presantemment nommé et institué maistres (blanc) et chacun leurs procureurs speciaulx pour repetter en tant que besoign est leur conseill et advis cydessus touchant ledict mariaige en l'auditoire et lieu tribunal de la court de Nevet promectantz par leur sermment avoir agreable ce que sera par leursdicts procureurs et ..... faict et greé soubz obligation et ypotecque de toutz leurs biens faict come devent lesdicts jour et an." (AD 22 - 2 E 355 - Famille Kergariou)

"Comparantz par devant monsieur le bailly de la court de Nevet nobles gentz maistre Hervé Billouart commis de monsieur le procureur fiscal de ladicte court et Christofle de Kerberiou curateur de dammoyselle Jullienne du Bois fille puisnée de nobles gentz Jehan du Bois et Margaritte de Treanna sa compaigne sieur et damme en leurs temps de Tresseol ont remonstré avoyr faict donner assignation a ce jour lieu et heure aux parans de ladicte dammoyselle pour donner leur conseill etadvis touchant le mariaige parlé d'entre ladicte Jullienne du Bois et noble Parceval de Kergariou sieur de Kerahel recquerant appel et ....... estre ..... desdictz parens, auquel appel sont comparans scavoir : Noble et puissant Renné de Nevet sieur dudict lieu parent au quart degré de l'estoc maternel de ladicte du Boys Nobles gentz Christofle Le Gallou sieur de Trevanes (?) parent au tiers degré Jehan de Kerengarz sieur dudict lieu parant au quart degré Maistre Allain Bonnezrat (?) sieur de Penguelene (?) aussi parant au quart degré de ladicte dammoyselle de costé de la mere presantz en personne et Nobles gentz Yves de Kerazret sieur de Plouider Jehan de la Bouexiere sieur de Kerouchant François du Bois sieur de Dourdu Tanguy Rannou sieur de Keribec Jehan de Keratz sieur du Plesseix Adrian Le Borgnne sieur de Lesquiffiou Claude Le Borgnne sieur de Kerfraval par maistre François Piart leur procureur a la fin cy apres specialement fondés ainsi qu'il a faict presantemment aparoir par trois actes de procure l'ugn dabté le vignt cincquiesme jour de decembre l'an mil cincq centz soixante quatre signé Jehan de la Boexiere, Yves de Kerazret y valloir Ph ..... l'aultre le dix huictiesmme jour de may dernier signé T Rannou, F du Bois, F de la Forest, l'aultre le dix neuffiesmme jour dudict mois de may dernier signé Adrian Le Borgne, J Kerlerach, J de Gozbriant, C Le Borgne, Ph Campion desquelles procure a esté coppie adjugée ausdicts commis et curateur de ce recquerantz avecq sufizant decret de foy lesdictz devant nommés parantz de ladicte du Bois chacun en tel degré et estoc qu'est porté par lesdictes procures. Lesquelz parentz et Piart esdicts noms jurés dire veritté interrogés ont dict que pour la congnoissance qu'ilz ont dudict de Kergariou et la bonne reputation qu'ilz luy ont ouy donner tant a raison de sa maison extraction et paranté que ses ...... scavuoyr honesteté et aultres bonnes parties qu'ilz cognoissent en luy, il leur semble que c'est le bien et advantaige de ladicte Jullienne du Bois leur parante d'estre conioincte en mariaige avecques luy et que leur conseill et advis c'est que icelluy mariaige soict faict et accomply sur quoy ouy ledict curateur quy a dict pareillement apres le serment de luy prins en tel cas recquis ledict mariaige estre convenable et a l'avantaige de ladicte mineure et y donner son consantemment et advis ouy aussi ledict comis dudict procureur de ladicte court de ce consantant et recquerant a estre par mondict sieur le bailly decretté etpromis ledict mariaige d'entre ledict de Kergariou et ladicte dammoyselle Jullienne du Bois estre faict et contracté faict ce second jour de juign l'an mil cincq centz soixante cincq en l'auditoire de la court du Pont lieu assigné pour assambler lesdictz parans a la fin cy dessus pour la comoditté d'iceulx parantz lesquelz ont presantemment nommé et institué maistres (blanc) et chacun leurs procureurs speciaulx pour repetter en tant que besoign est leur conseill et advis cydessus touchant ledict mariaige en l'auditoire et lieu tribunal de la court de Nevet promectantz par leur sermment avoir agreable ce que sera par leursdicts procureurs et ..... faict et greé soubz obligation et ypotecque de toutz leurs biens faict come devent lesdicts jour et an." (AD 22 - 2 E 355 - Famille Kergariou)