Famille de Cambourg

Sgr de Trogoazrat et Rossalic

"Du mardy dix huictiesme jour de decembre mil six centz trante et cinq devant monsieur le lieutenant de la court royalle de Treguier en l'auditoire de la ville de Lantreguier present maistre Baptiste Cadier substitud de monsieur le procureurdu roy de ladicte court. A esté remonstré par messire Françoys de Kerguezec seigneur du Carpont curateur cy devant institué de damoiselle Hellaine de Kerverder dame douairiere de Bois de la Haye comme le deces estant arrivé a deffunct messire Guillaume de Kerguezec seigneur du Bois de la Haye son filz il est necessaire de pourvoir ladicte de Kerverder d'un curateur tant a son bien qu'a sa personne que mesme a ses aultres affaires tres importantes et de la forme de l'acceptation et representation dela succession de sondict filz et ce par l'advis de messieurs ses parantz qu'il auroict faict assigner a ce jour lieu et heure pour donner leur advis sur ladicte recqueste et quy en resulte et oultre ledict seigneur du Carpont a recquis que lesdictz parantz ayent a deliberer et nommer pour le sequestre de la personne de ladicte de Kerverder ordonné par l'arrest de la court a ladicte signiffyé. En l'endroict de laquelle convocation des parantz a esté remonstré par escuyer Rolland Menguy sieur de Kermoan disant faire tant pour luy que pour d'autres parantz maternelz de ladicte de Kerverder lequel a dict qu'il importoict grandementen ceste occurance ou il se rencontre grand nombre des parantz tant par procure que personne de considerer l'advis de ceux qui sont soubz le quart degré seulement comme seulz obligés de supporter le faix de ladicte charge [...] et ayant est faict appel desdicts sieurs parantz ont comparu de leurs personnes scavoir [... ] Nobles homs Yves du Cameru sieur de Rossalic presant aussy de sa personne parant au cinquiesme degré du costé paternel de ladicte de Kerverder nomme pour avoir ladicte charge ledict sieur du Calouer Villeneuffve et pour le sequestre ladicte dame de Luzuron ..." (AD 22 - 2 E 402 - famille Kerverder)